Saturday, November 21, 2009

دام قلبـي مانسـاك

التصنيفات

لا تقول إني ذكرت .. ولا تقـول إنـي نسيـت
كيف يعني .. يذكرك إنسان لحظـه مانسـاك

....

أدري أني صدق أحبــــــكــ .. وأدري إنك مادريـت
أني حتى ضد نفسي صـرت ياعمـري معـاك

....

لو أقول اشكثر أحبـــــكــ ! ما تصدق لـو حكيـت
داااام حبي فـووق والله مستـواي ومستـواك

....

(كل حرف ٍ لك كتبت ) و (كل حرف ٍ لي قريت)
(في شي ٍ من عناي) و(فيه شي ٍ من غـلاك)

....

في غيابك ... ياحبيبي ياكثـر ماقلـت لييـت
وياكثر ما قيييل عني في غيابـك وش بـلاك

....

مو مهم اللي جرى لي ... المهم إنك رضيـت
دام يزعلني زعلّك ... ودام يرضينـي رضـاك

....

أنت دمع ٍ في عيوني .. مابكيتـه لـو بكيـت
وأنت كل اللي كتبته ... وأنا بس اللـي قـراك

....

وأنت درب ٍ من بديته فـي حياتـي منتهيـت
وأنت تعني لـي بهالدينـا نجاتـي والهـلاك

....

جيتك أتأسف حبيبي.. وأعترف إنـي خطيـت
جيتك أسبق لهفة أشواقـي ويسبقنـي غـلاك

....

وأنا مدري( شلت قلبي لك ) بعد عمري وجييت
والا ( قلبي شالني لك ) يابعد عمـري وجـاك

....

جيت أقول( إني أحبـــــكــ ) شفت عينـك إستحيـت
في عيونك قدرة الله ... وأشهـد إن الله عطـاك

....

لا تقول إني ذكرت .. ولا تقـول إنـي نسيـت
دام قلبي ماذكـرك .... ودام قلبـي مانسـاك





التعبيراتالتعبيرات